ССАЖ-ын сайд хатагтай Ц.Оюунгэрэл болон СУБХЗГ-ын дарга Н.Оргил нар энэ сарын 17-26-ны өдрүүдэд Франц улсын нийслэл Парис хотноо болж буй  Дэлхийн байгаль, соёлын өвийг хамгаалах конвенцийн Гишүүн талуудын Ерөнхий ассамблейн XIX  чуулганд оролцож байна.

Энэхүү хурлын үеэр Ц.Оюунгэрэл сайд Франц улсын сенатын гишүүн, Франц – Монголын найрамдлын бүлгийн дарга П.Желард, ЮНЕСКО-гийн  Ерөнхий захирлын соёлын асуудал хариуцсан орлогч ноён Франческо Бандарин, ЮНЕСКО-гийн  Дэлхийн соёлын өвийн төвийн захирал ноён Кишор Рао нарын хүмүүстэй уулзаж харилцан санал солилцсон юм.  

Мөн ЮНЕСКО-гийн  Ази, номхон далайн орнуудаас зохион байгуулж буй “ASPAK evening” арга хэмжээнд оролцсон бөгөөд энэ үеэр ЮНЕСКО-гийн  захирал Ирина Боковатай тус тус уулзаад байна.