Өнөөдөр Соёл, спорт, аялал жуулчлалын сайд хатагтай Ц.Оюунгэрэл харъяа байгууллагуудынхаа удирдлагуудтай 2013 оны үр дүнгийн гэрээнд гарын үсэг зурах үйл ажиллагааг зохион байгууллаа. Энэхүү үр дүнгийн гэрээнд гарын үсэг зурах үйл ажиллагаанд нийслэлийн 19, орон нутгийн 3 байгууллагын удирдлага хүрэлцэн ирж гэрээг үзэглэсэн юм. Үр дүнгийн гэрээг байгуулахын өмнө Ц.Оюунгэрэл сайд салбарынхаа хүрээнд анхаарч ажиллах хэд хэдэн зүйл байгааг удирдлагуудад сануулсан бөгөөд Улсын Драмын Эрдмийн Театрын дарга энэ жилийн үр дүнгийн гэрээ байгуулах үйл ажиллагааны салхийг хагалсан юм.