Мэргэжлийн урлагийн байгууллагын урын санг баяжуулах, жүжгийн зохиолчдын идэвхи санаачлагыг дэмжих, зохиолчдын бүтээл туурвилыг тайзны бүтээл болгон олон нийтэд хүргэх зорилготой жүжгийн зохиолын уралдаан удахгүй дүнгээ гаргана. Энэхүү уралдааныг ССАЖЯ, УДЭТ, МЗЭ хамтран зохион байгуулж байгаа юм. Энэ удаагийн уралдааны сэдэв “Орчин үеийн жүжгийн зохиолын уралдаан” байсан юм. Уралдаанд 93 уран бүтээлчийн бүтээл ирсэн байна. Уралдааны тэргүүн байрын бүтээл 10 сая төгрөг, дэд байр 6 сая, гуравдугаар байр 4 сая төгрөгийн шагналтай. Харин тусгай байранд 3 зохиолчийг шалгаруулж тус бүр нэг сая төгрөгөөр шагнах юм. “Орчин үеийн жүжгийн зохиолын уралдаан”-д байр эзэлсэн бүтээлүүдийн шагналыг 2013 оны нэгдүгээр улиралд багтаан уран бүтээлч нарт олгох юм.