Засгийн газрын хэрэгжүүлэгч агентлаг

Соёл, урлагийн газар

2017-10-17
  • Хэвлэх

 Өнөөдөр УДБЭТеатрын гоцлол дуучин   Б. Эрдэнэтуяа  хөдөлмөрөө үнэлүүлж төрийн дээд одон медаль болох алтан гадас одонгоор энгэрээ мялаалаа. Уг шагналыг ССАЖЯ-ны төрийн нарийн бичгийн дарга П.Алтангэрэл гардуулан өгсөн юм

       Тэрээр УДБЭТеатрын гоцлол дуучнаар ажиллаж байх хугацаандаа  Дж.Бизе “Кармен” дуурийн Микаэла, П.И.Чайковский “Гилбэрийн хатан” дуурийн Лиза, Б.Дамдинсүрэн “Учиртай гурван толгой” дуурийн Хоролмаа, Дж.Верди “Турандот” дуурийн Лю, Л.Мөрдорж “ХөхөөНамжил” дуурийн Уянга, Д.Лувсаншарав “Хан бүргэд” дуурийн Норовлхам, Дж.Пуччини “Чио Чио Сан” дуурийн Чио Чио Сан, Дж.Верди “Травиата” дуурийн Виолетта, Аниан, А.Моцарт “Дон Жуан” дуурийн Эльвира, Дж.Верди “Трубадур” дуурийн Леонора, Дж.Пуччини “Богема” дуурийн Мими, П.Масканьи “Тосгоны алдар” дуурийн Сантуцца, П.И.Чайковский “Евгений Онегин” дуурийн Дездемона, Дж.Пуччини “Тоска” дуурийн Тоска, П.И.Чайковский “Алеко”  дуурийн Земфира зэрэг дэлхийн сонгодог болон үндэсний 30 гаруй сонгодог дуурийн гол дүрүүдийг мэргэжлийн өндөр түвшинд чадварлаг бүтээсэн, авъяаслаг уран бүтээлч юм.

            Тэрээр 1982-1988 онд ОХУ-ын Дубна хотын 6-р дунд сургууль, 1988-1992 онд Улаанбаатар хотын орос 9-р сургууль, 1992-1997 онд Соёл урлагийн их сургуулийн дуулаачийн ангийг МУГЖ М.Найдалмаагийн удирдлага дор суралцаж төгссөн.

            2002-2006 онд Итали улсын Венец дахь Марчеллогийн нэрэмжит Консерваторийн дуурийн дуулаачийн анги, 2006-2008 онд тус сургуулийн магистрантурт тус тус суралцаж төгссөн.    

             2002 онд  “Яргуйн уянгат дэлбээ”, 2009 онд “Венецийн үдэш” бие даасан уран бүтээлийн тоглолтуудаа тавьсан

          2011 онд манай театрын тайзнаа анх удаа тавигдсан дэлхийн дуурийн урлагийн нэгэн ноён оргил болох Дж.Верди “Аида” дуурийг тоглоход гол дүрд дуулахын зэрэгцээ хэлний зөвлөхөөр ажилласанбайна.

         Түүний хөдөлмөр уран бүтээлийн амжилтыг үнэлж 1997 онд “Гоо марал” шагналтан, 2000 онд Монгол улсын “Соёлын Тэргүүний Ажилтан” цол тэмдгээр шагнаж байсан юм.

ГОЦЛОЛ ДУУЧИН БАЛГАНСҮРЭНГИЙН ЭРДЭНЭТУЯАГИЙН УРАН БҮТЭЭЛИЙН ЖАГСААЛТ:

I. Дэлхийн сонгодог дуурь:

1.    П.Чайковский “Гилбэрийн хатан”                                  Лиза

2.    Дж.Верди “Риголетто”                                                     Паж

3.    Дж.Верди “Травиата”                                                       Виолетта, Аниан

4.    Дж.Верди “Трубадур”                                                       Леонора

5.    Дж.Пуччини “Турандот”                                                     Лю

6.    Дж.Пуччини “Чио Чио Сан”                                               Чио Чио Сан

7.    Дж.Пуччини “Богема”                                                         Мими

8.    Ж.Гершвин “Порги Бесс”                                                   Бесс

9.    Ж.Бизе “Кармен”                                                                Микаэла

10.В.А.Моцарт “Дон Жуан”                                                      Эльвира

11.П.И.Чайковский “Евгений Онегин”                                     Дездемона

12.Дж.Пуччини “Тоска”                                                            Тоска

13.П.И.Чайковский “Алеко”                                                    Земфира

II. Үндэсний дуурь:

Б.Дамдинсүрэн “Учиртай гурван толгой”                                Хоролмаа

1.    Д.Лувсаншарав “Хан бүргэд”                                           Норовлхам

2.    Л.Мөрдорж “ХөхөөНамжил”                                             Уянга

Сэтгэгдэл