Засгийн газрын хэрэгжүүлэгч агентлаг

Соёл, урлагийн газар

2018-03-07
  • Хэвлэх

Шанхайн хамтын ажиллагааны байгууллагын гишүүн болон ажиглагч орнуудын кино урлагийн салбарын хоорондын харилцаа холбоог сайжруулах платформыг бий болгох, кино хамтран бүтээх, чадварлаг уран бүтээлчдийг харилцан солилцох, хил дамнасан кино түгээлт хийх зэрэгт бизнесийн боломж, хамтын ажиллагааг бий болгох зорилготой / SCO Film Festival 2018 / 06-р сарын 03-07–ний өдрүүдэд Хятадын зүүн эргийн зүүн хэсэгт оршдог Шандон мужийн Чиндао хотын Oriental Movie Metropolis Grand Theatre-т зохион байгуулагдах юм. Кино фестиваль нь /SCO summit/ ШХАБ-ын дээд хэмжээний уулзалт арга хэмжээг угтан зохион байгуулагдаж буй бөгөөд тус кино наадамд ШХАБ–ын гишүүн орон болох БНХАУ, Энэтхэг, Казакстан, Киргизтан, Пакистан, ОХУ, Тажикстан, Узбекстан, ажиглагч орон болох Афикнистан,Беларус, Иран, Монгол зэрэг 12 орны кино уран бүтээлчид оролцох юм.

Зохион байгуулагч талаас киноны зах зээлийн ялгаатай хөгжлийг үл харгалзан эрх тэгш байдал, 2 талын ашигтай харилцаа гэсэн зарчмыг баримталж ШХАБ -ын хүрээнд практик, үр дүнтэй харилцааг сурталчилж, тогтвортой үр дүнг бий болгох зорилгоор дараах 6-н үндсэн арга хэмжээг зохион байгуулж ШХАБ –ын дээд хэмжээний уулзалтын үеэр үр дүнг нь гишүүн орнуудын удирдлагуудад танилцуулахаар төлөвлөж байна. Үүнд:

1. 06-р сарын 03-нд “Стари Арал Театр”-т нээлтийн үйл ажиллагаа зохион байгуулагдана. Нээлтийн ажиллагааг Хятадын ССTV6 шууд дамжуулна.

2. 06-р сарын 03-05-ны өдрүүдэд Кино уралдаан зохион байгуулагдана. Орон бүр 2 киног шагналд өрсөлдүүлнэ. 24 киноноос хамгийн сайн зураг авалт, найруулагч, эрэгтэй жүжигчин, эмэгтэй жүжигчин, шүүгчийн тусгай шагналтан зэргийг шалгаруулна.

3. 06-р сарын 03-07 –ны өдрүүдэд Чиндао хотын баруун эргийн нутгийн бүх кино театруудад орон болгоноос ирүүлсэн 5 кино буюу нийт 60 киног гаргана.

4. 06-р сарын 04-07-ны хооронд кино наадамд оролцогч 12 улс, орныг хамруулсан хөтөлбөрүүд явагдах болно.

5. Film mart Оролцогч орнуудын компаниудад өөрсдийн киног үзүүлэх павилоныг байршуулж өгнө. Кино театрын сүлжээний менежерүүд, импортлогч, түгээгч зэрэг хүмүүстэй шууд харьцах боломжийг олгоно. CCTV6 болон China Film Group Import & Export Corporation оролцож кино худалдан авах, хэлэлцээр хийх зэрэг үйл ажиллагаа явагдана.

6. 06-р сарын 10-нд Хаалтын үйл ажиллагаа, шагнал гардуулах ёслол зохион байгуулагдана. Шанхайн хамтын ажиллагааны байгууллагын дээд хэмжээний уулзалтын төлөөлөгчид оролцоно. Кино фестиваль зохион байгуулагч талаас дараах санал хүсэлтийг уламжилж байгаатай холбогдуулан уг арга хэмжээг сонирхсон кино уран бүтээлчид яаралтай 51/264951 болон 99118951 дугаарт холбогдож кино наадамтай холбогдолтой дэлгэрэнгүй мэдээллийг тодруулна уу.

1. Монгол улсаас оролцох 5 кино санал болгох /2 нь бүрэн хэмжээний/

2. Санал болгосон кино бүрийнхээ багийн 3 үндсэн гишүүнийг оролцуулах

3. Кино театр болон театрын сүлжээний менежерүүдийг оролцуулах

4. Кино импортлогч болон түгээгч нарыг оролцуулах

5. Ирээдүйтэй хамтрагч продьюссерүүдийг оролцуулах

6. Киноны сургуулиас удирдах албан тушаалтнуудыг оролцуулах